Wednesday, November 16, 2011

Do Not Complain At All !
There was a blind girl who hated herself because she was blind. She hated everyone, except her loving boyfriend. He was always there for her. She told her boyfriend, 'If I could only see the world, I will marry you.'

 One day, someone donated a pair of eyes to her. When the bandages came off, she was able to see everything, including her boyfriend. He asked her,'Now that you can see the world, will you marry me?' The girl looked at her boyfriend and saw that he was blind. The sight of his closed eyelids shocked her. She hadn't expected that. The thought of looking at them the rest of her life led her to refuse to marry him. 

 Her boyfriend left her in tears and days later wrote a note to her saying: 'Take good care of your eyes, my dear, for before they were yours, they were mine.' This is how the human brain often works when our status changes. Only a very few remember what life was like before, and who was always by their side in the most painful situations. Today before you say an unkind word - Think of someone who can't speak. 

 Before you complain about the taste of your food - Think of someone who has nothing to eat. Before you complain about your husband or wife - Think of someone who's crying out to GOD for a companion. Today before you complain about life - Think of someone who went too early to heaven. Before you complain about your children - Think of someone who desires children but they're barren. Before you argue about your dirty house someone didn't clean or sweep - Think of the people who are living in the streets. Before whining about the distance you drive Think of someone who walks the same distance with their feet. And when you are tired and complain about your job - Think of the unemployed, the disabled, and those who wish they had your job. But before you think of pointing the finger or condemning another - Remember that not one of us is without sin and we all answer to one MAKER. And when depressing thoughts seem to get you down - Put a smile on your face and thank GOD you're alive and still around.

Dallas St. Tekele Haimanot We Abune Aregawi Church Mahlet

Monday, November 7, 2011

Thursday, October 6, 2011

Friday, September 23, 2011

ውጥረት በዳላስ ቅዱስ ሚካኤል ቤተ ክርስቲያን !  

በአባ ወልደ ትንሣኤ ለሦስት ወራት ወደ ዳላስ ቅዱስ ሚካኤል ቤተ ክርስቲያን መምጣት ምክንያት በርካታ ምዕመናን ያደረባቸው ስጋት ቀደም ሲል በሰላም ተዋሕዶ ብሎግ እንደ ተገለጸው ለስደተኛው ሲኖዶስ መንገድ ለመጥረግና ቤተ ክርስቲያኗን ለማስረከብ ተልእኮ እንደሚመጡ መዕምናኑ በትክክል በመረዳታቸው ነው። ቦርዱ በአውደ ምሕረቱ ላይ እየወጣ ይህንን ያለሕዝቡ ፈቃድ አላደርገውም እያለ እየዋሽ ውስጥ ውስጡን ግን ከዲያቆን አንዶዓለም ጋር በመሆን በስውር ጉዞ መጀመሩ፤ ሕዝቡን እንደ አሻንጉሊ እያታለለና እየተጫወተበት እንደሆነ የሚያሳይ ነው።

በዚሀ ምክንያት ይህን የዲያቆኑንና የአስተዳደር ቦርዱን የተንኮል ሥራ የተረዱ አንዳንድ መዕመናን ከእግዚአብሔር ይልቅ የሚያመልኩት ቦርድን ነው ወደሚባሉት አንድኛው ካህን ቤት በመሔድ ስለ አባ ወልደ ትንሣኤ መምጣት ጉዳይ ያላቸው አቁዋም ምን እንድሆነ እንዲያስረዱአቸው መጠየቃቸው ታውቆአል። ካህኑም ከዚህ ቀደም አባ ወልደ ትንሣኤን ዳላስ ቅዱስ ሚካኤል የሚመጡ ከሆነ እኔ የቤተ ክርስቲያኑን ቁልፍ አስረክቤ እሔዳለሁ እያሉ ሲፎክሩ የነበሩ ሲሆን ካህኑ ልጃቸውም በዚሁ ተመሳሳይ አቅዋም እንደነበረ የሚታወቅ ነው ። ይሁን እንጂ እነዚህ አቁዋም የለሽ አባትና ልጅ ካህናት የአስተዳደር ቦርዱ ባደረሰባቸው የማስፈራሪያ ቃል መሠረት በፍርሃት በ 90 ዲግሪ ተገልብጠው ስለ አባ ወልደ ትንሣኤ ትልቅነት ማስታውቂያ ተናጋሪ መሆናቸው ብዙኃኑን አሳዝኖአል።

ይህ በእንዲህ እንዳለ የአባ ወደ ዳላስ መምጣት ከጥቅሙ ይልቅ ጉዳቱ እያየለ በመምጣቱ እርሳቸውም እዚህ ቢመጡ ከፍተኛ ተቃውሞ እንድሚጠብቃቸው ለራሳቸው ተድውሎ ሊነግራቸው እንደታቀደ ምንጮች ይጠቁማሉ። በኢመርጀንሲ 911 ደውለው ፓትሮል ፖሊሶችን መጥራት እንጂ ከእንግዲሀ ወዲህ የጋርላንድ ሲቲ ፖሊስ ቢሮ የአስተዳደር ቦርዱን የፖሊስ እርዳታ ጥያቄ እንድማያስትናግድ በጠነከረ ሁኔታ መልስ መስጠቱ ታውቆአል

Tuesday, September 20, 2011

ስለ አባ ወልደ ትንሣኤ  መናፍቅነት ከተለያዩ ምእመናን የተሰጠ ምስክርነት !

አባ ወልደ ትንሣኤ በጉባዔ ሰበብ ወደ ዳላስ ቅዱስ ሚካኤል ቤተ ክርስቲያን ለ3 ወራት ለስደተኛው ሲኖዶስ መንገድ ለመጥረግ መምጣታቸው በይፋ ከተነግረበት ጊዜ ጀምሮ በአጥቢያው ምዕመናን መካከል ከፍተኛ የሆነ ውጥረትና መከፋፈል ተፈጥሮአል። በርካታ ምዕመናንም በካህናቱና በአስተዳደር ቦርዱ ላይ ጥላቻውንና ተቃውሞውን በተለያየ መልክ እየገለጠ ሲሆን ቦርዱም በከፍተኛ ውጥረትና ስጋት ውስጥ መውደቁ ታውቆአል።ከዚህ ቀጠሎ የምትመለከቱት ቪዲዮ አባ ወልደ ትንሣኤ መናፍቅ ለመሆናቸው ከተለያዩ ምእመናን የተሠጠውን ምስክርነት ነው።ቪዲዮውን በተራው ቁጥሩ ለመመልከት ይህን በመጫን ይመልከቱ ::

Monday, September 12, 2011

Tuesday, September 6, 2011

Thursday, September 1, 2011

Ethiopian nanny Shewaye Molla
Ethiopian nanny who was brutally torchered and burned by the wife of Gaddafi’s son Aline Scaf gets treatment at the Tripoli hospital according to CNN reporter update.

At Tripoli hospital burn unit doctors changed the dressing that covered her burned head and finally gets antibiotics for the infections caused by the unable to get timely and proper medical attention after the unthinkable abuse by Aline Scaf Hannibla Gaddafi’s wife.
Shewaye Molla only sin was refusing to beat Aline’s daughter who wouldn’t stop crying.


That is when the wife lost her temper and pours boiling water on her head and body.
She told CNN reporter how the attack happened “She took me to a bathroom. She tied my hands behind my back, and tied my feet. She taped my mouth, and she started pouring the boiling water on my head like this,” she said, imitating the vessel of scalding hot water being poured over her head.

She peeled back the garment draped carefully over her body. Her chest, torso and legs are all mottled with scars — some old, some still red, raw and weeping. As she spoke, clear liquid oozed from one nasty open wound on her head.

After one attack, “There were maggots coming out of my head, because she had hidden me, and no one had seen me,” Mullah said.

Wednesday, August 24, 2011

ጉድ ሳይሰማ መስከረም አይጠባም !

Tuesday, August 23, 2011

Address Of  St Tekele Haimanot Church is  
1621 South Jupiter Rd. , Garland, TX, 75042.
The Intersection Point is  Jupiter and Security  Rd.

Tuesday, August 16, 2011

የዳላሱ ቅዱስ ሚካኤል ቤተ ክርስቲያን በዲያቆን አንዱአለም መሪነት ወደ ስደተኛው ሲኖዶስ እየሔደ ነው!


‹ከሥጋው ጾመኞች ነን ከመረቁ አውልን› በሚል አቋም የኢትዮጵያውንም ሆነ ስደተኛ ሲኖዶስ ነኝ ብሎ አሜሪካ የተቀመጠውን አንቀበልም ፤ ነገር ግን የምንከተለው የኢትዮጵያ ኦርቶዶክስ ተዋህዶ ቤተ ክርስቲያንን እምነትና ሥርዓት ነው ፤ በማለት የዳላስ ቅዱስ ሚካኤል ቤተ ክርስቲያን ለበርካታ ዓመታት በዚህ አቋሙ መቆየቱ ይታወቃል፡፡ይሁን እንጂ የቤተ ክርስቲያኑ የቀድሞ አስተዳደር ቦርድ አቋሙን እንደገና በማሻሻል ከጥቂት ዓመታት በፊት የኢትዮጵያ ኦርቶዶክስ ተዋሕዶ ቤተ ክርስቲያን ሲኖዶስ አይሰደድም፤ሲኖዶስና መንበሩ ያለው አዲስ አበባ ኢትዮጵያ ነው፡፡ሕጋዊው ፓትርያርክም አባ ጳውሎስ ናቸው፡፡ የዳላስ ቅዱስ ሚካኤል ቤተ ክርስቲያንም የኢትዮጵያውን ሲኖዶስ ሕጋዊነቱን ያምናል፤ ይቀበላል ፡፡ ነገር ግን አባ ጳውሎስ ከቤተ ክርስቲያኒቱ ይልቅ በማይመለከታቸውና ሃይማኖቱ በማይፈቅድላቸው ሁኔታ የገዢው ፓርቲ ፖለቲካዊ ተግባር ወኪልና አስፈጻሚ ሆነው እያገለገሉ በመሆናቸው አስተዳደራቸውን አንቀበልም ፤ በማለት የቆየ አስተዳደር ነበር፡፡

Wednesday, August 10, 2011

ስለ ተሐድሶ እኩይ ተግባር ከአባቶቻችን የተሠጠ ምስክርነት !

Sunday, August 7, 2011

ወጥመድ ተሰበረ እኛም አመለጥን ! መዝ 123፡7
ቤተ ክርስቲያን የገጠማትን አስቸጋሪ ፈተና ለመጋፈጥና ስለ ቤተክርስቲያን መከራን ለመቀበል ገና በወጣትነት እድሜያችሁ ከትምህርትና ከልዩ ልዩ የሥራ ገበታችሁ ላይ ተጠርታችሁ ለቤተ ክርስቲያን ጠበቃ በመሆን ለቆማችሁ የማኅበረ ቅዱሳን አባላት ሁሉ እንኳን ደስ አላችሁ !
 
ሰይጣን በማኅበራችሁ የሥራ አመራርና በዲያቆን ዳንኤል ላይ ያጠመደውን የመለያየት ወወጥመድ እንባና ይቅርታ በተዋሐደው የማኅበሩ ጠቅላላ ጉባዔ ውይይት መፈታቱን ከደጀሰላም በመስማታችን እኛምን ተደስተናል ፡፡ ሰላሙንም ዘለቄታዊ ሰላም ያድርርገው፡፡ አገልግሎታችሁንና ለቤተክርስቲያን ሥርዓትና ዶግማ መጠበቅ የምታደርጉትን ተጋድሎ ሁሉ ከልብ እያደነቅን እግዚአብሔር የአገልግሎታችሁን ጸጋ እንዲያበዛላችሁ ሰላም ተዋህዶ ከልብ ትመኛለች፡፡

Monday, August 1, 2011

ከተሐድሶ ዓላማዎች አንዱ የቤተ ክርስቲያኒቱ ዓውደ ምሕረትና የዘፈን ቤት መድረኮች አንድ ዓይነት ገጽታ እንዲኖራቸው ማድረግ ነው !
የኢትዮጵ ኦርቶዶክስ ቤተ ክርስቲያን ሁለ ገብ ተሐድሶ ያስፈልጋታል ብሎ ለጥፋት የተነሣው ኢኦርቶዶክሳዊ ድርጅርት ዓላማውን ለማሳካት በሥውር ከሚንቀሳቀስባቸው ዘዴዎቹ አንዱ ባልነበሩበት መንፈሳዊ ሕይወት መነኩሴ ፤ ቄስና ባሕታዊ እየመሰሉ አስነዋሪ ድርጊቶችን በአደባባይና ሰው በሚታይባቸው ቦታዎች በመፈጸም ሕዝቡ ካህናትንና ቤተ ክርስቲያኒቱን እንዲጣላ ማድረግ ነው፡፡

ከዚህም በተጨማሪ ‹እኔ ድሮ ቄስ ነበርኩ ፤ መነኩሴ ነበርኩ ፡ አሁን ግን ጌታን ተቀብያለው እያሉ የቤተ ክርስቲያኒቱን ልጆች ግራ በማጋበት የፕሮቴስታንት መንፈስ ሰለባዎች እንዲሆኑ ማድረግ ነው፡፡

ይህ በፎቶግራፍና በቪዲዮ ምስሉን የምታዩት ዘማሪ ‹ ድሮ በገዳም በቀን አንድ ጊዜ ጥራጥሬና የሻገተ እንጀራ እየበላው በገዳም ውስጥ በጾምና በጸሎት እኖር ነበር፡፡ አሁን ግን ያንን ትቼ ባሻኝ ሰዓት እየበላሁ ለጌታ ዘማሪ ሆኛለሁ › ፤ የሚለው ናትናኤል የተባለው የፐሮቴስታንት ዜማ አቀንቃኝ ነው፡፡
አስቀድሞ እርሱ ራሱ እግዚአብሔር ያከበራቸው ጻድቃን ክብራቸው በሰዎች አንደበት የሚጨመርና የሚቀነስ ባይሆንም መናፍቁ ዘማሪ የጻድቃንን ክብር በዝማሬው ለመቀነስ ሞክሯል፡፡



Saturday, July 30, 2011

ከእንቅልፍ የምተነሱበት ሰዓት አሁን እንደ ደረሰ ዘመኑን እወቁ ! › ሮሜ 13፡11
ቅዱስ ጳውሎስ እርሱ በሥጋ ከነበረበት ዘመን ጀምሮ ፤ አሁን ያለንበትንም ዘመን ጨምሮ፤ ወደፊት የሚነሳውንምና ዓለም እስከምታልፍበት ዘመን ድረስ ያለውን ትውልድ አካቶ በመንፈስ ቅዱስ ኃይል ዘመኑን በመዋጀት ብዙ ድንቅ ነገሮችን ተናግሮአል፡፡ በሥጋው መከራ በመቀበል የሞተልንን አምላክ እንዳንረሣውና በከበረ ደሙ የመሠረታትን ቅድስት ቤተ ክርስቲያኑንም በንቃት እንድንጠብቅ ለየአብያተ ክርስቲያናቱ ምዕመናን ከላካቸው የማጽናኛ ፤ የማበረታቻ ፤የማሳሰቢያና የማስጠንቀቂያ አሥራ አራት መልእክቶቹ መረዳት ይቻላል፡፡ 


Monday, July 25, 2011

‹ሰለ ቤተ ክርስቲያን እንደ አበደ ሰው ሆኜ እናገራለሁ›
2ኛ ቆሮ 11፡23
ይህ ትምህርት የቅዱስ ጳውሎስ ትምህርት ነው፡፡ ቅዱስ ጳውሎስ በሐዋርያዊው የወንጌል አገልግሎት ጉዞው ብዙ ችግሮች አጋጥመውታል፡፡ብዙ ተሰድቧል፤ ብዙ ተገርፏል፤ ብዙ ጊዜ ታሥሯል፤ በሥጋው ብዙም የግድያ ሙከራዎችም ተደርገውበታል፡፡ ይሄ ሁሉ ፈተና ግን ሳይበግረው ‹ ዓለም ሲፈልግ እብድ ነው ይበለኝ እንጂ ሰለ ቤተ ክርስቲያን እንደ አበደ ሰው ሆኜ እናገራለሁ› ይል ነበር፡፡

Friday, July 22, 2011

‹ ማኅበረ ቅዱሳን ይውጣ ! 
ሃይማኖተ አበው ይግባ ! ›


ይህ ከላይ የምናነበውን አፍራሽ መፈክር አንግበው ባይሳካላቸውም ተግባራዊ ለማድረግ ቀን ከሌሊት በትጋት እየደከሙ ያሉት በኢትዮጵያ ኦርቶዶክስ ተዋህዶ ቤተ ክርስቲያን የሰ/ት/ቤቶች ማደራጃ መምሪያ ኃላፊዎች ነን የሚሉት ጥቂት ቅጥረኞችና አጋሮቻቸው ናቸው፡፡ማኅበረ ቅዱሳንንም ለማፍረስ ያልተፈነቀለ ድንጋይ፤ ያልተለመነ ዛር የለም ፡፡በማኅበረ ቅዱሳንም መቃብር ላይ የሃይማኖተ አበውን ባንዲራ ተክሎ ለማውለብለብ ያልታለመ ሕልም፤ ያልተቃዠ ቅዠት የለም ፡፡መታወቅ ያለብት አንድ ሃቅ ግን ማኅበረ ቅዱሳን በእንሽላሊት እግር የሚርስ የእንቧይ ካብ አይደለም፡፡ ለመሆኑ ወደ ቤተ ክህነቱ ይግባ እየተባለ ዘወትር ከበሮ የሚደለቅለትና የመቀበያ ቄጤማ በማደራጃው የሚታጨድለት ይህ ሃይማኖተ አበው ማነው ? ‹ የተሐድሶ መናፍቃን ዘመቻ በቤተክርስቲያን ላይ › ከሚለውና የማኅበረ ቅዱሳን ዶክመነቴሽን ክፍል ካሳተመው አዲስ የመረጃ መጽሐፍ ላይ ያገኘነውን ቆንጽለን እንደሚከተለው አቅርበነዋል ፡፡መልካም ንባብ !

Monday, July 18, 2011

የዳላሱ ዲያቆን አንዱዓለም የሚናገረውንና የሚያደርገውን እየሳተ ነው ! 



ዲያቆን አንዱዓለም የተሐድሶ መናፍቃን ዋና ሽፋንና ጠበቃ እየሆነ የመጣበት ምክንያት ምንድነው ?

ካስተማረውና መንበሩ ኢትዮጵያ ከሚገኘው የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ይልቅ ስደተኛ ነኝ ከሚለው የአሜሪካው ሲኖዶስ ጉያ ሥር ተወሽቆ መቆየትን ለምን መረጠ ?

የኢትዮጵያውንና የአሜሪካንን ሲኖዶስ ለማስታረቅ አንድ ወቅት ተነሳስቶ በአበረው ኮሚቴ ውስጥ የመግባቱ ምስጢርስ ምንድን ነበር ?


ገለልተኛ ነው ተብሎ በአፍ እየተጠራ ባላው የዳላስ ቅዱስ ሚካኤል ቤተክርስቲያን የመቀጠሩስ ተልእኮ ምንድነው ?


በኢትዮጵያ ኦርቶዶክስ ቤተክርስቲያን አሣማ መብላት ነውር የለውም እያሉ ማስተማርን ዲያቆን አንዱዓለም ከየት ተማሩት ከኢትዮጵያ ቤተክርስቲያን ሊቃውንት ወይስ ከአሜሪካው ሊቃውንት ከእነ አባ ወልደ ትንሣኤ ?

የያሬዳዊውን ዜማ አሰናብተው የፕሮቴስታንትን ቅኝት በፒያኖ ከሚያቀነቅኑ የሎስ አንጀለስ ቅድስት ማርያም ቤተ ክርስቲያን መዘምራን መካከል አንዷን ማጨቱ የሚነገርለት ይህ ሰው በዚያው ሊቀጠር የተጀመረለት ፕሮሰስ ለምን ተቋረጠ የቀድሞው ፓስትር የአሁኑ ቄስ መላኩስ በዚህ ረገድ እንዳይቀጠር የተጫወተው ሚናስ ምን ነበር ? 


ካላይ በጥያቄ መልክ ለቀረቡት ነጥቦች በቅርብ ዝርዝር ማብራሪያዎች የሚሠጥባቸው ሲሆን በአገር ውስጥ በጠቀናጀ መልኩ የተጀመረው የተሐድሶ መናፍቃንና አቋም የለሽ ሰባኪያንና መዘምራንን ከቤተክርስቲያኒቱ መድረክ የማጥራት ተግባር በመላው ዓለም ተጠናክሮ እንደሚቀጥል ተስፋ እናደርጋለን ፡፡ 


ከሃይማኖቱ መጠበቅ ይልቅ ውዳሴ ከንቱንና ገንዘብ ማግበስበስን ሥራዬ ብሎ የተያያዘው ዲያቆን አንዱዓለም የነበረውን የማስመሰል ትህትና ሸጦ በምትኩ ትዕቢትን እንደሸመተበት የሚያውቁት ሁሉ ይናገራሉ፡፡ 


ከሁሉ በላይ ግን ዲያቆን አንዱዓለምና መምህር ልዑለ ቃልን የምታውቁ የቤተክርስቲያኒቱ እውነተኛ ልጆች ሁሉ ይህ ሰው የሰጠውን ይህን ዓይን ያወጣ የሐሰት ምስክርነት በትዝብትና በማስተዋል እንድታደምጡት እየጋበዝን ዲያቆን አንዱዓለም ምን እየሠራ እንዳለና ቀስ እያለ ወዴት እየሄደ እንዳለ እንድታስተውሉ በአንክሮ እናሳስባለን፡፡

Wednesday, June 22, 2011

በኢትዮጵያ ኦርቶዶክስ ተዋሕዶ ቤተ ክርስቲያን ውስጥ የተሐድሶ እንቅስቃሴ አለን? ዓላማውና ስልቱስ ምንድን ነው?

የኢትዮጵያ ኦርቶዶክስ ተዋሕዶ ቤተ ክርስቲያን “መታደስ አለባት” የሚሉ ድምፆችን የሚያሰሙ አካላት አሳባቸውን በተለያዩ መንገዶች ማሰማት ከጀመሩ ውለው አድረዋል፡፡ እነዚህ አካላት በመጽሔቶች፣ በጋዜጦች፣ በመጻሕፍት፣ በበራሪ ወረቀቶች፣ በዓውደ ምሕረት ስብከቶችና በሚያገኟቸው አጋጣሚዎች ሁሉ ይኸን ጩኸታቸውን ማስተጋባቱን ተያይዘውታል፡፡ እንዲህ እያሉ ያሉትም “ኦርቶዶክሳውያን ነን” እያሉ በቤተ ክርስቲያኒቱ ውስጥ በተለያየ ቦታና ሓላፊነት ላይ ካሉና እንጀራዋን ከሚበሉ፣ ጥቂቶች እንዲሁም ደግሞ በኅቡእና በግልጽ በተለያየ መልክና ቅርጽ ራሳቸውን አደራጅተው ቤተ ክርስቲያኗ ሳትወክላቸው እርሷን ወክለው፣ “እኛም ኦርቶዶክስ ነን” በሚል ካባ ራሳቸውን ደብቀው እምነቷንና ሥርዓቷን “ይህ ሳይሆን ሌላ ነበር” እያሉ ፕሮቴስታንታዊ ትምህርትና መንፈስ የተዋረሳቸው ሰዎች ናቸው፡፡

ተሐድሶ የሚባል ነገር አለን? እነዚህ አካላት በአንድ በኩል ተሐድሶ የሚባል ነገር እንደሌለና ተሐድሶ የሚባለው ጉዳይ የሆነ አካል (እነርሱ እንደሚሉት ማኅበረ ቅዱሳን) ስም ለማጥፋት ሲል የፈጠረው የፈጠራ ወሬ እንጂ በሕይወት የሌለ ምናባዊ ነገር እንደሆነ ያስወራሉ፣ ይናገራሉ፡፡ ግን በእውነት የኢትዮጵያ ኦርቶዶክስ ተዋሕዶ ቤተ ክርስቲያን ዶግማዋ፣ ቀኖናዋና ትውፊቷ መታደስ አለበት በማለት የሚሠራ የተሐድሶ እቅስቃሴ የለምን?


ይህን ጉዳይ እነርሱው በይፋ ካወጧቸው የኅትመት ውጤቶቻቸው ለመመልከትና ለመታዘብ ይረዳ ዘንድ ራሳቸው በተለያዩ መጻሕፍቶቻቸው፣ መጽሔቶቻቸውና ጋዜጦቻቸው ካወጧቸው መካከል የተወሰኑትን ብቻ እንመልከት፡-
“እንደ እውነቱ ከሆነ በወንጌል እውነት ከታደሱ በኋላ በየጊዜው እየተመዘዙ የወጡት ምእመናኖቿና አገልጋዮቿ በውስጧ ቆይተው የተሐድሶን ሥራ እንዲሠሩ ቢደረግ ኖሮ፣ በወንጌል ተሐድሶ ያገኙ ክርስቲያኖች ለዓመታት የጸለዩበትንና የጓጉለትን የኦርቶዶክስ ተዋሕዶ ቤተ ክርስቲያን ተሐድሶ በቅርብ ጊዜ ሊያዩ ይችሉ እንደ ነበር የሚያምኑ ጥቂቶች አይደሉም፡፡” (ኆኅተ ብርሃን፣ መጋቢት 2002፣ ገጽ 15)

“ተሐድሶ እንቅስቃሴ በመሆኑ፣ እንቅስቃሴም ውጤታማና ትርፋማ ይሆን ዘንድ ዓላማን፣ ሒደትንና ግብን የያዘ ድርጊት እየተከናወነበት ያለ ሊሆን ስለሚገባው፣ ያለፈውና እየሆነ ያለው ግብረ ተሐድሶ ተመዝግቦ ለአሁኑና ለሚመጣው ትውልድ በሥነ ጽሑፍ ዳብሮና አምሮ ሊቀርብለት ይገባዋል፡፡” (ኆኅተ ብርሃን፣ መጋቢት2002፣ ገጽ 17) “በኦርቶዶክስ ተዋሕዶ ቤተ ክርስቲያን ውስጥ ገብተን አረሞችን በገሀድ ካልነቀልን ተሐድሶን እንዴት ልናመጣ እንችላለን? መባሉ አይቀርም፡፡ ዳሩ ግን ስሕተቶችን ፊትለፊት ሳይቃወሙ ስሕተቶች እንዲታረሙ ማድረግ የሚቻልባቸው የተፈተኑ መንገዶች አሉ፡፡ ለምሳሌም …” (ኆኅተ ብርሃን፣መጋቢት 2002፣ ገጽ 19)

“ከ2000 ዘመናት በላይ ያስቆጠረች የእኛ ቤተ ክርስቲያንማ እንዴት አብልጦ ተሐድሶ (መታደስ) አያስፈልጋት?” (መጥቅእ፣ ኅዳር 2002፣ ገጽ 15) “ቤተ ክርስቲያናችን በክፉ ሰዎች ሴራ ዓላማዋን ስታለች፣ የሐዋርያትንም ትምህርት ገፍታለች፣ ስለ ሆነም ይህን የሐዋርያት ትምህርት በክፉዎች ምክንያት በመጣሱ በድፍረት ተሳስተሻልና ታረሚ ልንላት፣ በድፍረትም በሥልጣንም ሕዝቡን ልናስተምር ይገባል፡፡” (መጥቅእ፣ ኅዳር 2002፣ ገጽ 20) “ቤተ ክርስቲያናችን በየሀገሩ የተነሣውን የተሐድሶ የወንጌል እሳት በተለይ በሐረር፣ በባሕር ዳር፣ በአዲስ አበባ፣ በማርቆስ፣ በጎንደር፣ በሰሜን ሸዋ፣ በወሎ፣ በትግራይ፣ በባሌ ለማዳፈን ያን ሁሉ እልፍ አእላፍ ሠራዊት የቤተ ክርስቲያን አለኝታ ወጣት ወንጌል ባልገባቸው ምእመናንና ካህናት እያስደበደበች ለሌላ ድርጅት አሳልፋ ከመስጠት ይልቅ ስሕተቷን አርማ ልጆቿን በጉያዋ ብትይዝ ኖሮ ዛሬም ጭምር ጋብ ላላለው ፍጥጫ አትዳረግም ነበር፡፡” (መጥቅእ፣ ኅዳር 2002፣ ገጽ 16) “ሕዝባችን በልማድና በባህል ሃይማኖትን መያዙና ይህን የያዘውን ሃይማኖት ለመጣልና ለማጣራትም በቂ እውቀት ስለሚጎድለው በራሱ አንብቦ መረዳት ስለማይችል …” (የሚያሳውቁት ሃይማኖትን ለማስጣል ነው ማለት ነው) (ይነጋል፣ 1997፣ ገጽ 144)

እነዚህ እነርሱው ከጻፏቸውና አሳትመው ካሰራጯቸው መካከል ለአብነት ያህል የተጠቀሱት በግልጽ የሚያሳዩን ነገር ቢኖር የኢትዮጵያ ኦርቶዶክስ ተዋሕዶ ቤተ ክርስቲያንን እምነትና ትምህርት የሚቃወሙና ሊለወጥ ይገባል የሚሉ ራሳቸውን “ተሐድሶ” የሚል ስያሜ ሰጥተው በተለየ መልክና ቅርጽ በግልጽና በኅቡእ እየሠሩ ያሉ አካላት መኖራቸውን ነው፡፡ ራሳቸው እንዲህ በይፋ “እኛ አለን፣ የኢትዮጵያ ኦርቶዶክስ ተዋሕዶ ቤተ ክርስ ቲያን ተሐድሶ ያስፈልጋታል” እያሉ እየተናገሩ “አይ፣ ተሐድሶ የሚባል ነገር የለም” ማለት እንዴት ይቻላል?

ዓላማቸው ምንድን ነው? ተሐድሶዎች ዋና ዓላማቸው የኢትዮጵያ ኦርቶዶክስ ተዋሕዶ ቤተ ክርስቲያንን ዶግማ፣ ቀኖናና ትውፊት በመለወጥ ፕሮቴስታንታዊ ይዘት እንዲኖረው ማድረግ ነው፡፡ ምእራባውያን ሚሲዮናውያን የኢትዮጵያ ኦርቶዶክስ ተዋሕዶ ቤተ ክርስቲያንን አጥፍቶ ፕሮቴስታንታዊ ለማድረግ መሥራት ከጀመሩበት ከሃያኛው መቶ ዓመት መጀመሪያ አንሥቶ እስከ አሁን ድረስ ሦስት ስልቶችን ተጠቅመዋል፡፡ የመጀመሪያው እስከ 1950 ዓ.ም ድረስ የሠሩበት ስልት ሲሆን እርሱም የራሳቸውን አስተምህሮ ማስተማር ነበር፡፡

ከ1950 ዓመት ጀምሮ እስከ 1990 ዓ.ም ድረስ ደግሞ የሠሩት የራሳቸውን እምነት መሰበክ ሳይሆን በዋናነት የኢትዮጵያ ኦርቶዶክስ ተዋሕዶ ቤተ ክርስቲያንን በመንቀፍና በማጥላላት ምእመኑ እንዲኮበልል በማድረግ ነበር፡፡


ከ1990 ዓ.ም ጀምሮ እስከ አሁን እየሠሩበት ያለው ሦስተኛው ስልት ደግሞ "ኦርቶዶክስ ነኝ" ብሎ ውስጧ ገብቶ “ትታደስ” እያሉ በመጮኽ ቤተ ክርስቲያኗ እንዳለች እንድትለወጥ በማድረግ ምእመናኗን ከእነ ሕንፃዋና አስተዳደራዊ መዋቅሯ መረከብ ነው፡፡ የእነርሱ ምኞትና እቅድ የኢትዮጵያን ቤተክርስቲያን ወደ ሦስተኛው ሺሕ እንዳትሻገር ማድረግ ነበር፡፡ ነገር ግን እንዳሰቡት አልሆነም፡፡ በዚህም ብስጭታቸውን በተለያዩ ሚዲያዎች ገልጸዋል፡፡ ለምሳሌም ፓውልባሊስኪ (Paul Balisky) የተባለ “የዓለም አቀፍ ተልእኮ ማኅበር” የኢትዮጵያ ዳይሬክተር በ1992 ዓ.ም በወጣው “የክርስቲያን ሳይንስ ሞኒተር” በተባለ መጽሔት በሰጠው ቃለ መጠይቅ የደከሙት ድካምና ያወጡት ገንዘብ ሁሉ ወደ ጠበቁት ግብ እንዳላደረሳቸው፡-

“ይህ ሁሉ ጥረት ቢደረግም ወንጌላውያኑ አሁን በማደግ ላይና በመካከለኛ ኑሮ ላይ ያለውን የከተማውን ኅብረተሰብ መቀየር አልቻሉም፡፡ ምክንያቱም የተማረና ቤተ ክርስቲያንን ለማገልገል ከፍተኛ ቅንዓት ያለው የወጣቶች ኃይል ማኅበረ ቅዱሳን የኦርቶዶክስ ቤተ ክርስቲያን በሃያ አንደኛው መ/ክ/ዘመን ዘልቃ መጓዝ ትችል ዘንድ እየተጋደለ ነውና፡፡” በማለት ከሃያ አንደኛው ክፍለ ዘመን በፊት የማጥፋት ሕልም እንደነበራቸው ገልጸዋል፡፡(The Christian Science Monitor, 8 June, 2000)

ስለሆነም ከዚያ በፊት ያደርጉት እንደነበረው በውጭ ሆኖ ምእመናንን ለመንጠቅ በመሥራት ብቻ ካሰቡት ቤተ ክርስቲያኒቱን ሙሉ በሙሉ የማጥፋት ግብ ለመድረስ ቀላል እንዳልሆነ ተረዱ፡፡ ስለዚህ አዲስ ስልት መቀየስ አስፈለጋቸው፡፡ ይህም “እናድሳለን”

በሚል ሽፋን ከውጭ ወደ ውስጥ ሠርጎ በመግባት ምእመኑን እስከ ሕንፃ ቤተ ክርስቲያኑ የመረከብ ስልት ነው፡፡ ይህንም ኬንያ ውስጥ የሚታተመው “The Horn of Africa, Challe nge and opportunity” የተባለው መጽሔት “ዓላማው አዲስ ቤተ ክርስቲያን መመሥረት አይደለም፤ ቤተ ክርስቲያኗን (ኦርቶዶክስን) መለወጥ (ፕሮቴስታንት ማድረግ) እንጂ - The objective is not to set up a new church as such but to introduce reforms within the church” በማለት ገልጾ ነበር፡፡ (The Horn of Africa, Challenge and opportunity, p. 6)

ስለዚህ አዲሱ ስልት “የጥንቷ ኦርቶዶክስ ቤተ ክርስቲያን ትክክል ነበረች - The ancient orthodox was the right Church” የሚል ነው፡፡ ይህም ማለት ቤተ ክርስቲያንን ከውጭ ከመቃወም ይልቅ ውስጥ ገብቶ ምእመን፣ ካህን፣ መነኩሴ፣ ሰባኪ … መስሎ ከፕሮቴ ስታንት እምነትና ባህል ውጭ ያለውን ነገር ሁሉ “ይህ የጥንቷ ቤተ ክርስቲያን ትምህርት አይደለም፣ ይህን እገሌ የጨመረው ወይም የቀነሰው ነው … ’ እያሉ ቤተ ክርስቲያኗ ኦርቶዶክሳዊ ዶግማዋ፣ ቀኖናዋና ትውፊቷ በሙሉ ጠፍቶ ሙሉ በሙሉ ፕሮቴስታንት እስክትሆን ድረስ መሥራት ነው፡፡

ይህን ስልታቸውንም በኅትመቶቻቸው በይፋ ገልጸዋል፡፡ ለምሳሌም በአንድ ስልታቸውን ይፋ ባደረጉበት መጽሔታቸው ላይ እንዲህ ብለዋል፡-

“ታዲያ እርሷን (የኢትዮጵያ ኦርቶዶክስ ተዋሕዶ ቤተ ክርስቲያንን) የማዳኑ ሥራ ከየት ይጀምር? እዳር ሆኖ አንዳንድ ምርኮኛን ማፍለሱ የሚፈለገውን የኦተቤን ተሐድሶ ሊያመጣ ይችላልን? አገልግሎቱ ከየት ወደ የት ቢሄድ ይሻላል? ማለት ከውስጥ ወደ ውጭ ወይስ ከውጭ ወደ ውስጥ? በውስጧ እያሉ የወንጌል እውነት ለተገለጠላቸው አገልጋዮቿ እንደ ውጊያ ቀጠና እግዚአብሔር የሰጣቸውን ምሽግ በአሁኑ ጊዜ የማስለቀቅና የጠላትን ወረዳ ከጥቃት ነጻ የማድረግ ሥራ እየተሠራ ያለው በሁለት ወገን ነው፤ … ” ይልና ቀጥሎም ወደ ግባቸው ለመድረስ መደረግ አለበት ያሉትን እንዲህ ዘርዝረዋል፡-


ውስጥ ያሉት እግዚአብሔር በሰጣቸው የውጊያ ቀጣና ውስጥ ሆነው በታማኝነት በእግዚአብሔር ቃል ምስክርነትና በጸሎት ውጊያውን መቀጠል አለባቸው፡፡ በውስጥ ላለው ለዚሁ ውጊያ በወንጌል የታደሱ ክርስቲያኖች ሁሉ እንደ ሙሴ እጃቸውን ወደ ላይ በማንሣት ታላቁን ርዳታ ማድረግና በደጀንነት መቆም ይገባቸዋል፡፡

እነዚህ በወንጌል ተሐደሶ አግኝተናል የሚሉ ሁሉ በውጭ ሆነው ወደ ውስጥ የሚያደ ርጉትን ውጊያ መቀጠላቸው እንደ ተጠበቀ ሆኖ ለውስጠኛው ውጊያ የሚያገለግል ትጥቅ ያላቸውን ወደ ውስጥ ማስገባትና የውስጠኛውን የውጊያ መስመር ማጠናከር ይጠበቅባቸዋል፡፡

“ … በዚህ የተቀናጀ ስልት መንፈሳዊው ጦርነት ቢቀጥል በውስጥ የተሰለፈው ሠራዊት (በተሐድሶ ስም የሚሠራው የፕሮቴስታንት ክንፍ) እያጠቃ ወደ ውጪ ሲገሰግስ፣በውጭ ያለውም (በግልጽ ፕሮቴስታንት ሆኖ የሚሠራው) ከበባውን አጠናክሮ ወደ ውስጥ ሲገፋ እግዚአብሔር በወሰነው ቀን የውስጡና የውጪው ሠራዊት ሲገናኙ በውስጧ የመሸገው ጠላት መሸነፉን በሚመለከት በአንድነት የድል ዝማሬ ሊያቀርቡ ይችላሉ፡፡” (ኆኅተ ብርሃን፣ መጋቢት 2002 ዓ.ም)


ይህ ሁሉ የሚያሳየው

ሀ) በቤተ ክርስቲያኒቷ ላይ በይፋ የተቀናጀ ጦርነት ያወጁባት መሆኑን፣

ለ) የጦርነቱ አንዱ ስልት ውስጥ ሆኖ በውስጥ አርበኝነት መሥራትና መዋጋት መሆኑን፣

ሐ) የጦርነቱ ዓላማ ጠላት የተባለችውን የኢትዮጵያ ኦርቶዶክስ ተዋሕዶ ቤተ ክርስቲያን ማፍረስ መሆን ነው፡፡


የተሐድሶው ዘመቻ ዘዴዎች ምንድን ናቸው?

ተሐድሶዎች ያሰቡትን የኢትዮጵያ ኦርቶዶክስ ተዋሕዶ ቤተ ክርስቲያንን እንዳለች ፕሮቴስታንታዊ አድርጎ ለውጦ ለመረከብ ያላቸውን ምኞትና ዓላማ እውን ለማድረግ የተለያዩ ዘዴዎችን ይጠቀማሉ፡፡ ከእነዚህም መካከል ሁለቱ የሚከተሉት ናቸው፡፡

ሀ) የሐሰት ውንጀላዎችን መፍጠርና ማሰራጨት ሌባ ሲሰርቅ የሚያየውን ወይም መስረቁን ያወቀበትን ሰው ይወዳል ብሎ ማሰብ ከባድ ነው፡፡ እንደዚሁም እነዚህ በውጫቸው የቤተ ክርስቲያንን ለምድ የለበሱ፣ በውስጣቸው ግን ኦርቶዶክሳዊ የሆነውን እምነትና ባህል አጥፍቶ የምእራባውያን ባህል ተሸካሚ ለማድረግ የሚሠሩ ክፉ ሠራተኞች (ፊል.3÷2) ዓላማቸውንና ስልታቸውን የሚያውቅባቸውን ማንኛውንም ግለሰብም ሆነ ማኅበር አምርረው ይጠሉታል፣ ይፈሩታልም፡፡፡ በእነ ማርቲን ሉተር በአውሮፓ ተካሒዶ ምእራባውያንን ወደ እምነት አልባነትና ክህደት ማድረሱን ዛሬ በተግባር ያስመሰከረውን ተሐድሶ (ፕሮቴስታንት) በኢትዮጵያ ቤተ ክርስቲያንም ላይ እውን በማድረግ ይሁዳ ስለ ሠላሳ ብሩ ሲል ጌታውንና አምላኩን ኢየሱስ ክርስቶስን ለመሸጥ ከጸሐፍትና ከፈሪሳውያን ጋር “አሳልፌ እንድሰጣችሁ ምን ትሰጡኛላችሁ?” (ማቴ.!1÷05) ብሎ ጌታውን ለሽያጭ እንዳቀረበ፣ እነዚህም ስንቅና ተስፋ የሚሰጧቸውንና ስልት ነድፈው ከርቀት እያሳዩ የሚያሠሯቸውን የላኪዎቻቸውንና የጌቶቻቸውን ምኞት ለማሳካት እንቅፋት ይሆኑብናል የሚሏቸውን ሁሉ ማሩን አምርረው ወተቱን አጥቁረው በማሳየት ስማቸውን በማጥፋት እንዲጠሉ ለማድረግ ይሞክራሉ፡፡

ከዚህ ተግባራቸው ለምሳሌ ያህል ብንጠቅስ በቅዱስ ሲኖዶስ ጸድቆ በተሰጠው ሕገ ደምብ መሠረት በአባቶች ቡራኬና ፈቃድ የተመሠረተውንና በኢትዮጵያ ኦርቶዶክስ ተዋሕዶ ቤተ ክርስቲያን በሰንበት ትምህርት ቤቶች ማደራጃ መምሪያ ሥር ሆኖ ዓቅሙ በፈቀደ መጠን ለቅድስት ቤተ ክርስቲያን ዘርፈ ብዙ አገልግሎት በመስጠት ላይ የሚገኘውንና ይህን ለቤተ ክርስቲያናችን እጅግ አደገኛ የሆነ የተሐድሶ እንቅስቃሴ ምንነት በማጋለጥ ለሕዝብ የሚያስረዳውን ማኅበረ ቅዱሳንን ስሙን በኅትመቶቻቸውና በልዩ ልዩ መንገድ ማጥፋትና ሰይጣናዊ አስመስሎ መሳል አንዱ ስልታቸው ነው፡፡ ለአብነት ያህልም የሚከ ተሉትን እንመልከት፡-


“ማቅ (ማኅበረ ቅዱሳን) ያለ እኔ ቤተ ክርስቲያን፣ ሀገርና መንግሥት የለም ብሎ በጭፍን የሚያስብ ስለሆነ በቤተ ክርስቲያኒቱ ሌላ መንፈሳዊ ማኅበርም ሆነ ጉባኤ ለማየት ዓይኑ የተሸፈነ ነው፡፡ ራሱን የቅዳሴ፣ የቅኔና የመጻሕፍት ማስመስከሪያ ቤተ መምህራን አድርጎ በማየቱ በእርሱ እጅ ፈቃድ ያላገኙ ሰባክያንና መዘምራን ቢፈጠሩ የተለመደው የኮሚኒስቶች ፍልስፍና (የሀሰት ስም የማጥፋት ቅስቀሳውን) ያወርድባቸዋል፡፡” (መጥቅእ፣ ኅዳር 2002፣ ገጽ 1፣ርእሰ አንቀጽ)

እንግዲህ ይህን የሚለው አካል በግልጥ ቤተ ክርስቲያኒቱ ተሐድሶ ያስፈልጋታል እያለ በዚሁ ጋዜጣ የገለጸው የተሐድሶ ድርጅት ነው፡፡ ልዩነቱ የዓላማ መሆኑን ራሳቸው ተናግረው ሲያበቁ እንደገና መልሰው ተሐድሶ መባልን የሐሰት ስም ማጥፋት ዘመቻ ነው ይላሉ፡፡ አንባቢዎቻቸው ይህን እንኳን ማገናዘብ አይችሉም ብለው ይሆን?

“የማኅበረ ቅዱሳን ትምህርት እግዚአብሔር ፍጹም ጨካኝ ስለሆነ ስለማይሰማንና በርኅራሄ ከእርሱ የተሻሉ ቅዱሳን በፊቱ ቆመው እንዲለምኑልን የእነርሱ ልመና ግድ ብሎት ስለሚምረን በአማላጅነት እንመን ይላል፡፡” (ይነጋል፣ 1997 ዓ.ም. ገጽ 123) “ማኅበረ ቅዱሳን የተባለው ይህ የሰይጣን ማኅበር አሁን ወደ ነፍሰ ገዳይነት ሊገባ ራሱን እያዘጋጀ ነው፡፡” (ይነጋል፣ 1997 ዓ.ም.ገጽ 127) ይህ የስም ማጥፋት ዘመቻ በሀገር ውስጥ ባሉ ሚዲያዎች ብቻ የተወሰነ ሳይሆን ዋናው የተሐድሶ ዘመቻ አርቃቂዎችና ስልት ነዳፊዎች በሆኑት በምእራባውያን ፓስተሮችም በብዛትና በዓይነት የሚሠራ ሥራ ነው፡፡ ለምሳሌ ያህልም ዊሊያም ብላክ የተባለው አሜሪካዊ ፓስተር አናሲሞስ በተባለው የጦማር መድረኩ ላይ የኢትዮጵያን ቤተ ክርስቲያን እንዴት ማፈራረስ እንደሚቻልና በአሁኑ ወቅትም የእርሱና መሰል ድርጅቶች ቤተ ክርስቲያንን እንዴት እየተዋጓት እንደሆነ “Struggle for the soul of the Ethiopian orthodox Church” በተሰኘው ጽሑፉ ላይ በሰፊው ገልጧል፡፡ የፕሮቴስታንት ጉዳይ አስፈጻሚ የሆነው የተሐድሶ አንቅስቃሴ ምን ማለት መሆኑን ለዓላማቸው መሳካት እንቅፋት ሆኖብናል ያለውን ነገር ሲናገር ገልጾታል፤ እንዲህ ሲል፡-

“Working against both the ongoing creep of Western values and the attempts by Reformists to restore the church, a reactionary movement called Mahebere Kidusan and led by members of the hierarchy and priests and others, are seeking to fend off any changes and to preserve aspects of the Church which they feel are crucial to their identity and Ethiopia’s place in the world. …

በሀገሪቱ ውስጥ እየተንሰራፋና ሥር እየሰደደ ያለውን ምእራባዊ ባህልና በተሐድሶ አራማጆች ቤተ ክርስቲያኒቷን ለማደስ የሚደረገውን ጥረት ሁለቱንም የሚቃወምና ለዚህም እየሠራ ያለ አድኃሪ የሆነ ማኅበረ ቅዱሳን የሚባል እንቅስቃሴ አለ፡፡ ይህ ማኅበርም ቤተ ክርስቲያንን ለመለወጥ የሚደረገውን ማንኛውንም ነገር ለመከላከልና ለራሳቸው ማንነትና ኢትዮጵያ በዓለም ስላላት ቦታ አስፈላጊ ነው የሚሉትን የቤተ ክርስቲያኒቷን ገጽታ ለመጠበቅ ይፈልጋሉ፡፡”

http://www.Compassdirect.org/english/country.ethiopia/11092/ተሐድሶዎች ቤተክርስቲያናቸውን የሚወዱትንና ለእምነታቸውና ለሥርዓታቸው ተቆርቋሪ የሆኑትን ምእመናን፣ ካህናት፣ መነኮሳት … ሁሉ ማኅበረ ቅዱሳን የሚባል ነገር መኖሩን ከነ ጭራሹ ያልሰሙ ሰዎች ቢሆኑም እንኳ “ማኅበረ ቅዱሳን (ማቅ)” ናቸው የሚል ታርጋ በመለጠፍ ለማሸማቀቅ ይሞክራሉ፡፡ በዚህም የተሐድሶ ጉዳይ የሌለና የሆኑ ቡድኖች ጠብና ሽኩቻ ብቻ ተደርጎ እንዲታይ ይጥራሉ፡፡ እጅግ በጣም ብዙ የሆኑ ለማመን የሚከብዱ የበሬ ወለደ ዓይነት የስም ማጥፋት ወሬዎችን በማኅበሩ ላይ በማሰራጨት ላይ ናቸው፡፡ ለምሳሌም በቅርቡ “የማኅበረ ቅዱሳን የሃያ አምስት ዓመት ስትራቴጂ ነው” በሚል ስም አንድን ሕፃን እንኳ ሊያሳምን በማይችል መልኩ ራሳቸው የፈጠሩትን አሉባልታ የማኅበሩ አስመስለው በሐሰት ማኅተም አትመው በኢንተርኔት አሰራጭተዋል፡፡ እንዲህ ዓይነት የፈጠራ ክሶችንና ስም ማጥፋቶችን ደህና አድርገው ተያይዘዋቸዋል፡፡

ለ) የቤተ ክርስቲያኒቱን አስተዳደርና መዋቅር መቆጣጠር ተሐድሶዎች ቤተ ክርስቲያኒቷን ለመለወጥና ለዓላማቸው ማስፈጸሚያ የተመቸች ለማድረግ ይረዳቸው ዘንድ ለመቆጣጠር የሚመኙት አንዱ ነገር የቤተ ክርስቲያኒቱን አስተዳደርና መዋቅር መያዝ ነው፡፡ ይህን ማድረግ ከቻሉ በቤተ ክርስቲያኒቱ አንደበት በመናገር፣ ቤተክርስቲያን ያልሆነችውን ናት፣ የሆነችውን ደግሞ አይደለችም በማለት ያሰቡትን የተሐድሶ ዓላማ ከግብ ለማድረስ ይረዳቸዋል፡፡


ወደዚህ ግብ ለመድረስም በተለያዩ ጊዜያትና ስልቶች ከመሪጌቶች፣ከቀሳውስት፣ ከመነኮሳት፣ ከዲያቆናትና ከሌሎችም መካከል በተለያየ ጥቅማ ጥቅምና ድለላ የማረኳቸውንና ያሰለጠኗቸውን ሰዎች በአስተዳደር መዋቅሩ ውስጥ ለማስገባትና ቦታውን ለመያዝ ደፋ ቀና በማለት ላይ ናቸው፡፡ በዚህም የተወሰነ ርቀት መጓዝ ችለዋል፡፡ ይህም በስልታቸው እንደ ገለጹት “መንፈሳዊ ቀውስ የደረሰበትን አስተዳደር ማረምና ማስተካከል” (ኆኅተ ብርሃን፣ መጋቢት2000፣ ገጽ 16) በሚል ሽፋን የሚካሔድ ነው፡፡

ይህን ጉዳይ እስከ የት ድረስ መግፋትና ማድረስ እንደሚፈልጉ ሲገልጹም እንዲህ ብለዋል፡-
“ማቅ (ማኅበረ ቅዱሳን) ወደደም ጠላም ቤተ ክርስቲያኒቱ በእውነት በሚወዷትና የወንጌልን እውነት በሚያገለግሉ መምህራንና ሊቃውንት ይህንም እውነት ተቀብለው አምላካቸውን በንጹሕ ልብ ሆነው በሚያመልኩ፣ በተለይም መጪው ዘመን በትካሻቸው ላይ የወደቀባቸው ከመንፈሳዊ ኮሌጆቻችን እየተመረቁ የሚወጡ የወንጌል አርበኞችና ቤተ ክርስቲያንን ይጠብቁ ዘንድ እግዚአብሔር ጳጳሳት አድርጎ የሾማቸው አባቶች በሚወስዱት የማያዳግም እርምጃ ቤተ ክርስቲያናችን ተሐድሶን ታደርጋለች፡፡” (መጥቅእ፣ ኅዳር 2000፣ ገጽ 2) ጳጳሳት ሳይቀሩ የማያዳግም እርምጃ መውሰዳቸውና ቤተ ክርስቲያኒቱን ማደሳቸው የማይቀር መሆኑን በግልጽ ተናግረዋል፡፡ ስለሆነም ይህን ሕልማቸውን እውን ለማድረግ የቤተ ክርስቲያኗን የአስተዳደር መዋቅር፣ እስከ ጵጵስና ደረጃ ያለውንም መቆጣጠር ዋና ስልታቸው ነው፡፡

ዛሬ የመነኮሱበት የማይታወቅ ሰዎች የአባቶቻችንን ቆብ አጥልቀው መስቀሉን ጨብጠው ቀሚሱን አጥልቀው ካባውን ደርበው፣ ያልሆኑትን መስለው፣ ሌሎችም የነበሩ፣ ዛሬ ግን ያልሆኑ፣ ዓላማቸውን እንደ ይሁዳ ለውጠው የክፋቱ ተባባሪ ሆነው ያሉ ሁሉ በቤተ ክርስቲያኗ ስም ሲጫወቱ ዝም እየተባሉ ስለሆነ እነዚህ ሰዎች የነገዪቱ ጳጳሳት የማይሆኑበት እድል አይኖርም ብሎ ማሰብ አይቻልም፡፡

ይልቁንም አሁን ሃይማኖታቸው በግልጽ ፕሮቴስታንት (ተሐድሶ) የሆኑና ብዙ ጉድ ያለባቸው፣ የምግባር ድቀት ያንገላታቸው፣ የሃይማኖት አባት ሆነው ምእመናንን ለማስተ ማርና ለመምራት ቀርቶ ተነሳሒ ለመሆን እንኳ የከበዳቸው ሰዎች ዓይናቸውን በጨው ታጥበው ጵጵስና ለመሾም የሲኖዶስ ስብሰባ በመጣ ቁጥር አፋፍ ላይ እየደረሱ እየተ መለሱ ነው፡፡ ይህ ሁኔታ እንዲሁ ከቀጠለ እነዚህ ሰዎች አንድ ቀን የጳጳሳትን አስኬማ ደፍተው፣ በትረ ሙሴ ጨብጠው፣ “አቡነ” እገሌ ተብለው ላለመምጣታቸው ምን ዋስትና አለ? “ሞኝ ቢቃጡት የመቱት አይመስለውም” እንደሚባለው እንደ እነዚህ ዓይነት ሰዎችን ለጵጵስና እጩ አድርጎ እስከማቅረብ ደረጃስ እንዴት ሊደረስ ቻለ?


ማንነታቸው ተጣርቶ በንስሐ የሚመለሱት ቀኖና ሊሰጣቸው፣ የማይመለሱት ደግሞ ሊለዩ (ሊወገዙ) ሲገባቸው የቅዱስ ሲኖዶስ አባል ሆነው በቤተ ክርስቲኒያቱ ህልውና ላይ ወሳኝ አካላት ሊሆኑ መታሰቡ በራሱ የሚያሳየው ከባድ ነገር አለ፡፡

እነዚህን ሰዎች በአድባራትና በገዳማት ዕልቅናና በተለያየ ሓላፊነት ከመሾም ጀምሮ ግልጽ የሆነ የአደባባይ ጉዳቸውን ዝም ከማለትና አልፎ አልፎም ከማበረታታት ጀምሮ በቤተ ክርስቲኒያቱ አስተዳደር ውስጥ እንዳሻቸው እንዲናኙበት የሚፈቅድና የሚመች የተሐድሶ ሰንሰለት አለማለት ይሆን?

እውነተኛ የቤተ ክርስቲያን ልጆችና አባቶች እንደ እንጀራ ልጆች እየተቆጠሩና እየተገፉ እነዚህ ተሐድሶዎች ደግሞ ባለሟሎች መስለው ከዚያም አልፎ ለጵጵስና ታጭተው ማየትና መስማት በእጅጉ ያማል፣ ልብንም ያደማል፡፡ ስለዚህ እነዚህ ሰዎች አናት ላይ ወጥተው የጵጵስና መዓርግ ጨብጠው ከመጡ በኋላ በቤተ ክርስቲያኒቱ ላይ ሊያመጡ ያሰቡትን ስልታዊ አደጋ መገመት ውኃን የመጠጣት ያህል ቀላል ነው፡፡

ስለሆነም እነርሱ ያሰቡት ከባድ ትርምስ ሳይመጣ ‹ሳይቃጠል በቅጠል› እንዲሉ በጊዜ ከጸሎት ጀምሮ ማንኛውም ሊደረግ የሚገባውን የመከላከል ሥራ ከወዲሁ መፈጸም ይገባል፡፡ ቁጭ ብሎ የሰቀሉትን ቆሞ ማውረድ ያቅታልና፡፡ ይህም “እነ እገሌ ምን እየሠሩ ነው?” በሚለው ያልጠቀመን ፈሊጥ ሳይሆን “እኔ ምን አደረግሁ?

አሁንስ ምን ማድረግ አለብኝ?” በሚል ሊሆን ይገባል፡፡ የቤተ ክርስቲያን አምላክ እግዚአብሔር በቤቱ የተሰገሰጉ ይሁዳዎችን የሚያጋልጥበትንና ከመንጋው የሚለይበትን ዘመን ያቅርብልን፣ አሜን፡፡

ሰኔ 11 ቀን 2003 ዓ.ም

/ምንጭ፦ ስምዐ ጽድቅ ልዩ እትም ግንቦት፣ 2003 ዓ.ም/ eotc-mkidusan.org/site/

Monday, June 13, 2011

Wednesday, June 8, 2011

የስምዐ ጽድቅ ጋዜጣን የማገድ ሙከራ አንድምታ

“ወደ ዓለም ሁሉ ሂዱ ወንጌልንም ለፍጥረት ሁሉ ስበኩ።” የማርቆስ ወንጌል 16፥15

ስምዐ ጽድቅ ጋዜጣ በ ኢ.ኦ.ተ.ቤ.ክ በሰንበት ት/ቤቶች ማ/መምሪያ ማኅበረ ቅዱሳን ከጳጉሜን 1985 ዓ. ም ጀምሮ ለ18ዓመታት በየወሩ አሁን ደግሞ በየሁለት ሳምንቱ በመታተም የቤተክርስቲያንን ዜናዎችን፣ ትምህርተ ወንጌልን፣የአባቶችን ሕይወት፣ ከምዕመናን የሚነሱ መንፈሳዊ ጥያቄዎችን ምላሽ በመስጠት፣ የገዳማት እና አድባራት እንዲሁም የሰንበት ትምህርት ቤቶችን እንቅስቃሴ በመዘገብ ምዕመናን በማስተማር፣በማሳወቅ እና መንፈሳዊ ችግር/ፈተና ፈቺ በመሆን አገልግሎት ስትሰጥ የኖረች የቤተ ክርስቲያን ጋዜጣ ነች::

Wednesday, May 11, 2011

አሰቸኳይ መልእክት ለኢ-ሜይል 
ተጠቃሚዎች በሙሉ !
በአልቃይዳው መሪ በኦሳማ ቢላዲን መገደል ምክንያት ለበቀል የተዘጋጁ አሸባሪዎች ከትናት ማክሰኞ እለት ጀምረው የመርዝ ቫይረሶቻቸውን በዓለም ንጹሐን ዜጎች ኮምፒውተሮች ላይ በኢሜል በመልቀቅ የተለመደ የጥፋት ተግባራቸውን አሁንም ቀጥለውበታል ፡፡በዚህ መሠረት ኦሳማ ቢላዲን በስቅላት እንዶሞተ ተዶርጎ በተሠራ የሐሰት ፎቶግራፍ ና ይህንኑ በሚገልጽ ('Osama Bin Laden Captured' or 'Osama Hanged',) በሚል ርእስ የተዘጋጀ ኮምፒውተርን የሚሰብር አዲስ ቫይረስ በአለም መለቀቁን McAFree የተባለው የማይክሮሶፍት ካምፓኒ የኮምፒውተር ቫይረስ መከላከያ ክፍል አስታውቋል፡፡

Wednesday, April 27, 2011

ሰሙነ ፋሲካ !

ይ.ካ. ክርስቶስ ተንሥአ እሙታን 
 Christ rose from the dead
ይ.ሕ. በዓቢይ ኃይል ወሥልጣን
By great power and authority
ይ.ካ. አሠሮ ለሰይጣን
Christ bound Satan
ይ.ሕ. አግአዞ ለአዳም
Christ set Adam free
ይ.ካ. ሰላም .Peace
ይ.ሕ. እምይእዜሰ ኮነ ፍሥሓ ወሰላም። 
.From now becomes happiness 
And peace



ካለፈው እሁድ ሚያዝያ ፲፮/፪ሺ፫/ዓ/ም ጀምሮ እስከ ዳግም ትንሣኤእሁድ ሚያዝያ ፳፫ /፪ሺ፫/ዓ/ም ድረስ ሰሙነ ፋሲካ ይባላል።
ፋሲካ - ማለት መሸጋገርያ ፣ ድልድይ ማለት ነው። (በግዕዙ - ዐዲው ፣ ዕድወት ፣ ማዕዶት ይላል) ጥቅስ. <<ፋሲካ ብሂል ፤ በዘቦቱ አዶነ እሞት ውስተ ሕይወት>>

Monday, April 25, 2011

በእርሱ ቁስል እኛ ተፈወስን !

Wednesday, April 13, 2011

Thursday, March 31, 2011

የዳላሱ ዓርብ ጉባዔ ከጻድቁ ተክለ ሃይማኖት ቤተ ክርስቲያን ጋር ሊዋሃድ ነው
በዳላስ ቅዱስ ሚካኤል ቤተ ክርስቲያን በተፈጠረው አስተዳደራዊ ችግር ምክንያት የወጡት ሁለቱ ካህናት መልአከ ሣህል አወቀና ተሰማና ቀሲስ መስፍን ደምሴ ሕዝቡን በአዳራሽ በማሰባሰብና ወንጌልን በማስተማር ማቆየታቸው የሚታወስ ነው፡፡ ይሁን እንጂ መልአከ ሣህል አወቀ በመኖሪያ ወረቀታቸው ችግር ምክንያት ለዘለቄታው ወደ አትላንታ ቢሄዱም ቀሲስ መስፍን ግን ከጉባኤው አስተባባሪዎች ጋር በመሆን ጉባኤው በተጠናከረ መልክ እንዲቀጥል ማድረጋቸውም ይታወቃል፡፡

በመሆኑም ቀሲስ መስፍን ባለፈው ዓርብ መጋቢት 16 ቀን ጉባኤው ከተቋቋመ ከዘጠኝ ወራት በላይ ያስቆጠረ መሆኑን በመግለጽ የጉባኤው ደካማና ጠንካራ ጎኖች ምንድን ናቸው ? ወደፊት የጉባኤው መጨረሻስ ምን መሆን ይኖርበታል ? በሚሉት መሠረታዊ ጥያቄዎች ላይ ከጉባኤው ወስጥ በተመረጡ ስድስት ሰዎች አማካኝነት አባላቱ ውይይት እንዲያደርጉ በማድረግ ጉባኤው መድረሻው የት እንደሆነ ለማመላከት ሞክረዋል፡፡

መንበሩ ኢትዮጵያ በሆነ ቅዱስ ሲኖዶስ በማትመራ ገለልተኛ ቤተክርስቲያን ውስጥ መቆየትና ፖለቲከኞች ነን የሚሉ አምባገነን የቤተክርስቲያን ቦርድ አባላት በየጊዜው በካህናትና ምእመናን ላይ የሚፈጽሙትን ግፍና በደል እያዩ በዚያ መኖር የክህነቱን ሥልጣንና ክርስትናውን ማዋርድ ሆኖ ስላገኙት ሥራቸውን በፈቃዳችው ለቀው መውጣታቸውን ካህኑ በመግለጥ በአሁኑ ሰዓት ግን የደብረ ጸሐይ ቅዱስ ተክለ ሃይማኖት ቤተ ክርስቲያን መደበኛ አገልጋይ ካህን በመሆን እንዲያገለግሉ የተቀጠሩ መሆናቸውንም ለጉባዔው ይፋ አድርገዋል፡፡
በመቀጠልም የስብከተ ወንጌሉን የሠርክ ጉባዔ አገልግሎት ጨምሮ ቤተ ክርስቲያኒቱ የምትጠብቅባቸውን መንፈሳዊ አገልግሎቶች ሁሉ በእዚያው በአዲሱ የቤተክርስቲያን ሕንጻ ውስጥ ለመስጠት እንዳቀዱም ገልጸዋል፡፡ አያይዘውም ቤተ ክርስቲያኒቱ ብዙ አገልጋዮችን የሚያሳትፉ ልዩ ልዩ የአገልግሎት ክፍሎች እንደተዋቀሩላትና ብዙ ምዕመናንም ቁጭ ብለው ከመማር ተግባር በተጨማሪ ወደ ሚፈልጉት የአገልግሎት ክፍሎች ገብተው የማገልገል ሰፊ እድል እንዳላቸውም አስረድተዋል፡፡በተጨማሪም በአዲሱ መዋቅር ያሉቱን አንዳንድ የአገልግሎት ክፍሎችን ምሳሌ አድርገው በፕሮጄክተር አስክሪን በማቅረብ ሕዝቡ በቤተክርስቲያኗ ውስጥ የኔነት ተሰምቶት ሳይሳቀቅ ማገልገል እንደሚችል በእርሳቸው በኩሉ የተመቻቹ ሁኔታዎች እንዳሉ ገልጸዋል፡፡ 
እስካሁን በኪራይ እንገለገልበት የነበረው አዳራሽ ባለቤቶች የሌላ እምነት ተከታዮች ቢሆኑም እኛ የተከራየነው ቦታቸውን እንጂ እምነታቸውን ስላልሆነ በቆይታችን ወቅት የቤተ ክርስቲያናችንን ጠቃሚ ትምሕርቶች ተምረንበታል፡፡ የትምህርት መስጫ አዳራሹ ተሥፋ ቆርጦ የተበታተነውም ሕዝብ ተሰባስቦ እንዲጸልይና ታዋቂ መምህራንና ዘማርያንንም በመጋበዝ በዓይነታቸውና በይዘታቸው እጅግ ልዩ የሆኑ ሦስት ታላላቅ ጉባዔያትም ተደርገውበታል፡፡ ስለዚህ ጉባዔው እንደ አንድ ቤተሰብ ሆኖ በመቆት እግዚአብሔርን ሲያገለግል እንደቆየ ሁሉ ወደፊትም የሀሳብና የዓላማ መለያየት ሳይኖር ሰላም በምናገኝበት የኢትዮጵያ ቤተክርስቲያን ማገልገል እንደሚሻል በመምከር ለእለቱ የተመደበው ጊዜ ስላለቀ ጉባኤውን በጸሎት ዘግተዋል፡፡ ወይይቱና ለአዲሱ የቤተ ክርስቲያን አገልግሎት ኅሊናን የማዘጋጃ መማማሪያዎች በቀሪዎቹ የዓርብ ጉባዔያትም እንደሚቀጥሉ ይጠበቃል፡፡

Monday, March 14, 2011

ደስ ቢለኝም እጅግ አዝኛለሁ
ከወላጆቹ ጋር ቤተክርስቲያን መሄድ የሚያዘወትር አንድ የሰባት አመት ሕጻን ልጅ ካህኑ ‹ እሹ ታገኛላችሁ ለምኑ ይሰጣችኃል፡፡ ከእግዚአብሔር የሚለምን ሁሉ ይሠጠዋል፡፡ › እያሉ ሲያስተምሩ ይሰማል፡፡ ይህን በልጅ አዕምሮው እያሰላሰለ ይሰነብታል፡፡ ከእለታት አንድ ቀን መቶ ዶላር እንዲኖረው በመመኘት እግዚአብሔር ቢሰጠኝ ብሎ አሰበና እንዲህ ብሎ ደብዳቤ ጻፈ፡፡ይድረስ በሰማይ ለምትኖር አምላኬ እግዚአብሔር ፤ስሜ እገሌ ይባላል፡፡ዕድሜዬም ሰባት ዓመት ነው፡፡ ለአንድ ጉዳይ አንድ መቶ ዶላር አስፈልጎኛልና በአስቸኳይ እንድትልክልኝ በአክብሮት እጠይቅሀለሁ ፡፡ በማለት በሚላክለት ሰው አድራሻ ቦታ የእግዚአብሔርን ስም በላኪው አድራሻ ቦታ ደግሞ የራሱን ስም በመጻፍ የወላጆቹን ቤት አድራሻ ያስገባና ደብዳቤውን በፖስታ አሽጎ ያስቀምጠዋል፡፡አንድ ቀን ፖስተኛው ሰው ሲመጣ ይጠብቅና ደብዳቤውን ወደ እግዚአብሔር እንዲልክለት በአደራ ይሰጠዋል፡፡


Monday, March 7, 2011

አዲስ የቤተክርስቲያን ሕንጻ በዳላስ ቴክሳስ !

ከተቋቋመ ገና ሁለት ዓመት ያልሞላው በኢትዮጵያ ኦርቶዶክስ ተዋሕዶ የዳላስ ደብረ ጸሐይ ቅዱስ ተክለ ሃማኖትና አቡነ አረጋዊ ቤተ ክርስቲያን ለቤተመቅደስ አገልግሎት ሊውል የሚችል ትልቅ ሕንጻ በ 900.000 ዶላር መግዛቱ ተገለጠ ፡፡ በብዙ መቶዎች የሚቆጠሩ የዳላስ ከተማ ምዕመናን በተገኙበት ታላቅ መንፈሳዊ ጉባዔ መዝጊያ ላይ ሕንጻው ለቤተ መቅደስነት ብቁ የሚያደርጉትን መስፈርቶች ለማሟሟላት እንዲችል የ ሪሞዴሊንግ ሥራ እየተሠራለት እንደሆነ ተገልጧል፡፡ ይህ በቅርቡ በብፁዓን ሊቃነ ጳጳሳት ተባርኮ አገልግሎቱን የሚጀምረው ቤተ ክርስቲያን በምድር በርካታ የቢሮና የሕጻናት ማስተማሪያ ክፍሎች፤ የመመገቢያ አዳራሽና መጸዳጃ ቤቶች ያሉት ሲሆን በፎቅ ላይ ደግሞ ሰፊ ቤተ መቅደስና የሰብከተ ወንጌል አዳራሽ ይኖሩታል፡፡

Tuesday, February 15, 2011


ሰላማዊን ሰው ያለበደልና ጥፋቱ መግደል ቃየላዊ ኃጢኣት ነው !

በእስልምና ስም ክርስቲያኖችን ለማጥፋት የተነሱ አክራሪ ስላሞች ክርስቲያኖችን ለማጥፋት ሌት ተቀን እየደከሙ ነው፡፡ በሰላማውያን ሕዝቦች መካከል ቦምብ በማፈንዳት በሕዝብ ሕይወትና ንብረት ላይ ከፍተኛ ጉዳት እያደረሱ ነው፡፡የጥፋት ስልቶቻቸውን በየጊዘዌ በመቀያየር ሲከፈት ብናኙ ሰው የሚገድልና አንትራክስ የሚባል ገዳይ መርዝ በፖስታ በማሽግ ብዙ ሕዝብ በተለይም በረካታ አሜሪካውያን ሕይወታቸው ያለአግባብ እንዲያልፍ አድርገዋል፡፡

 አሁን ደግሞ Tide በሚልየልብስ ማጠቢያ ሳሙና ውስጥ ሲከፈት ሽታው የሰው ሕይወት ወዲያው የሚያጠፋን አንትራክስ መርዝ በመጨመር ከፖስታ ቤት የመጣ የአደራ እቃ በማስመሰል በየሰው ቤት በራፍ ላይ በማስቀመጥ ሰውን ለመግደል እየሞከሩ ነው፡፡ በቅርቡ የወጣው የ CNN ዜና እንደዘገበው ቁጥራቸው ወደ 7 የሚደርሱ አሜሪካውያን በዚሁ አደጋ መሞታቸውን ዘግቧል፡፡
ስለዚህ በየቤታችሁ በራፍ ላይ ከፖስታ ቤት የመጣ የሚመስል ነገር ስታዩ በጥንቃቄ በመመርመር ጉዳዩን እንድታጤኑና ሕይወታችሁን ከድንገተኛ ሞት እንድትጠብቁ ሰላም ተዋሕዶ በጥብቅ ያስገነዝባል፡፡

Friday, February 4, 2011

የፈረንጅ አበሻም አለ ለካ !

ሁሉም ሳይሆኑ ጥቂት የማይባሉ ኢትዮጵያውያን አበሾች ወደ ውጪው አለም ሲወጡ ባህርያቸውን አለባበሳቸውን፤ ባሕላቸውን ሃማኖታቸውን ይለውጣሉ፡፡ ስልጣኔው የራስ የሆነውን ነገር ሁሉ መተው ሰለሚመስላቸው ከተፈጥሮ ቀለማቸው በስተቀር ሁለመናቸውን ይለውጣሉ፡፡ ኢትዮጲያዊ የሚያሰኘውን ነገር ሁሉ ከውስጣቸው በማጥፋት አስኪገርም ድረስ ማንንታቸውን ያጣሉ ፡፡ደሞ ከአበሻ ጋር ፤ የአበሻን ፊቱን አያሳየኝ ወዘተ ... የሚሉትን አባባሎች የምሬት ቃላቶቻቸው ያደርጋሉ፡፡ የተወለዱባትንም አገር ኢትዮጵንም እንደ ሌላ ባእድ አገር ማየት ይጀምራሉ፡፡
ሌላው የአበሻ ዘር ደግሞ ባይወለድባትም የእናት አባቴ ፤ ያያት የቅድማያቴ አገር እያለ ስለ ኢትየጵያና ወገኖቹ ብዙ መልካም ነገር ሲናገር፤ ሲጽፍና ሲያወድስ ይሰማል፡፡ የእናት ሆድ ዥንጉርጉር ነውና እናት የተባለች ኢትዮጵያ ሁሉንም አይነት ሰው አፍርታለች ይዛለች፡፡ 
ነጭ ቀለም ያላቸው አንዳንድ ፈረንጆች በአባቶቻቸውንና በእናቶቻቸው ምክንያት ኢትዮጵያ ሲወለዱ ደግሞ ለኢትዮጵያ ያላቸውን ግምትና ስሜት ምን እንደሚመስል ከሜዲያ ያገኘነውን ቁም ነገር ጠቃሚ ትምህርት ይሰጣል ብለን ስለገመትን አቅርበነዋልና ከታች ያለውን ሊንክ በመጫን እንዲያደምጡ እንጋብዛለን፡

http://www.dw-world.de/popups/popup_single_mediaplayer/0,,14815728_type_audio_struct_12103_contentId_6427031,00.html

Monday, January 31, 2011

ለመልአከ ሣህል አወቀ አሸኛኘት ተደረገላቸው !
በኤፕሪል 25 2010 የዳላስ ደብረ ምሕረት ቅዱስ ሚካኤል አስተዳደር ቦርድ መልአከ ሣህል አወቀን በውድቅት ሌሊት በፖሊስ አስገድዶ በማስፍረም በክህነት ከሚያገለግሉበት የሥራ ገበታቸው ላይ እዲሰናበቱ ማድረጉ ይታወሳል፡፡ ይህንኑ የግፍ አሠራር በመመልከት ቀሲስ መስፍንም ሕዝቡን በዓውደ ምህረት ተሰናብተው በገዛ ፈቃዳቸው ሥራቸውን በመልቀቅ መውጣታቸውም ይታቃል፡፡ ይህንኑ ተከትሎ በተፈጠረ ውዝግብ የአስተዳደር ቦርዱ የቀጠራቸው ኬጂ 9 ቦምብ ፈታሽ ፖሊሶች ወደ ቤተ መቅደሱ በድፍረት ከነጫማቸው በመግባት ምእመናን ከጸሎት ገበታ ላይ በኃይል በመጎተት ደብድበዋል፤ በካቴና ብረትም ጠፍረው በማሰርም አሰቃይተዋል፡፡ ይህም በቴሌቪዥን የታየ ፤ ዓለምን ያስደነቀና ያስቆጣ አስገራሚ ክስተት ብዙዎችን ከቤተክርስቲያኒቱ አሽሽቷል፤አንዳንዶቹንም ሃይሞኖታቸውን እንዲቀይሩ አድርጓል፤ በርካታ የቤተክርስቲኒቱ ምእመናንም በመተባበር ድርጊቱንና አምባገነናዊውን የቦርድ አስተዳደርን በሕግ በመቃወም ጉዳዩን ፍርድ ቤት እንዲመለከተው አድርገዋል፡፡